|
SubscriptionsSites I Read
|
|
|
|
| 或許, 我不屬於這個年代 [續]
好多謝好多謝咁多個好關心我既朋友, hallmate!.
之前果篇entry..每一個回覆我都有睇..有去諗=] 只係睇完之後, 實在係冇時間去消化, 唯有衝完exam先寫回覆, =] 你地花心機寫既回覆係冇白費嫁..
湯迪生對呂中人既觀察好準確, 一針見血 =]
「我就一直覺得呂明才入面醒既人都有個共通點
就係佢地都好精
有時精到會有精面...-_-
我諗你都係個隻架喇 哈哈"」
呢樣的確係唔少"成功"既呂中人既特點.. 我係呂中七年, 學到既係 勤力並非一切, 能夠用最少時間達到最大效果先叫成功.. 精到會有精面既呂中人真係唔少..我諗我都係其中一個.. 我承認呢種風氣係呂中係被過份promote.. 有時會過左火位..
哈哈, 入番正題, 唔怕講出黎丫, 其實你地寫俾我既reply..我翻睇又翻睇左好多次... 我成日問自己, 讀大學係為左咩? 一條點既路先至係最好既路.. 之後就好自然咁答" 梗係傳統名校小學 接傳統名校中學, 之後直上hku........" 但係你地講得岩.. 其實係思考既過程入面我忽略左好多野, 做左好多 係呢個年代可能已經係錯既assumption, 限死左自己既思路..
其實每一樣野, 每一件事, 都係一個trade off.
你得到左"得到", 就失去左"失去"..但係"得到" 未必比"失去"好..
呂中係一個好重情 既地方, 而名校係一個好重 榮耀既地方,
呂中既情, 係失敗中既互相扶持度建立番黎
名校既榮耀, 係勝利既光環上面搭建出黎,
就好似堯堯所講..每人都有自己既長處同弱點, 好難介定咩係勁咩係唔勁,..
亦好似博士所講..我一開始就assume 左人地係好勁好勁, 自己永遠都追唔上..
可能係因為我仲未可以發掘到自己既優點, 所以會對呢個高不成, 低不就既自己 覺得好不滿..
eric tong 有一個字用得好好..認同危機
呢4個字包含左好多好多野... 諗番轉頭..我真係對我既好多個身份都產生過認同危機
我只係睇到自己既身份有咩唔好唔好..人地有幾好幾好..比我多幾多機會, 校友network大幾多..exposure多幾多..但係冇望番轉頭諗一諗..自己係呢個身份上面得到d咩野..有咩優勢..
講到尾, 就係我唔識點樣善用自己既個身份令自己achieve更多
所以睇好多野都唔順眼, 硬係覺得隔離飯香..
自己唔係名校出身, 係一個事實, 但係自己既能力同埋成就, 係一個變數
精英制度 的確存在, 但係呢個金字塔 正處於一個dynamic equilibrium, 係上面既人唔會永遠係上面, 金字塔底既人可以靠自己既努力向上爬, 塔頂既人會因為自己既鬆懈而跌番落黎, 所以, 我地會見到好多 傳統名校既垃圾, 亦都會見到好多 好做得野但係黎自不知名學校既人... 而且塔頂唔係一個point, 而係一個area, 一個可以容納好多個同lv既人既area. lsk就係一個 成班人一齊互相學習, 一齊向上升既群體.. 呀杉講得好岩, 勾心鬥角既關係唔係我追求既野.
望住學費單上面既銀碼, 我知道, 大學唔係一個hea3年跟住出黎做野既地方.
我要係呢個sem break 搵番自己既目標..同埋自己黎緊2年半既plan.
| | |
| 或許, 我不屬於這個年代
一直以黎..我都唔發覺..自己係一個頗奉行精英主義既人..
中學年代, 我一直介懷 村校既身份, 一直相信只有傳統名校先係香港學生中既代表, 精英, 領袖. 我一直相信每個人既能力都唔同, 而身處三角金字塔最頂尖既人就係能力最高既人. 所以我一直都覺得co-ed既你, dg既你, 喇沙既你 既能力係比我高好多好多, 可以同你地共事係一件好開心既事.
入左大學, 同D師弟師妹做sharing, 同d 同輩討論, 我依然堅持揀u 要盡可能揀3大.再好d, 有機會既, 死都要去英美讀大學,至少都要入到UCxx. 呢個, 又係精英主義既表現..
入左舍堂, 我再次堅持某舍堂既宿生能力,質素比其他人高, 讀書,上莊, present, 運動, 音樂樣樣皆能,就好似中學年代既傳統名校, 同地區同校既分別一樣.
可笑既係, 我從來都未曾試過位處我所定義既精英之列.
可能呢d係中化所講既臣屬文化既變種, 我唔會盲目服從佢地..但係始終深信人係有階級之分, 而呢個社會, 呢個世界 , 係需要能力比其他人高既領導者.
直到最近, 係網上面睇到一個討論區, 有一講左一句".港大百年計劃既口語- 港大 領袖群倫 , 依家咩野年代? 普及教育都實行左咁多年, 仲係度講精英主義, 都唔知係咩野肉麻口號"..
我先諗....精英主義係咪真係已經過時.... 我心入面係否定既.
上面提出既幾個層面, 幾個唔同既stage, 有咩共通點呢?..
傳統名校, 大多係殖民時代, 由一於天主教辦學團體創立既..
香港大學, 係港英政府培訓AO人材既地方,
傳統舍堂, 保存左大量英式舍堂既傳統, 概念來自牛津劍橋等名牌大學..而當時能夠入住舍堂既, 都係社會既上流子弟, 固此, 傳統舍堂當然係一個小圈子既地方, 當然係一個重視提升"人既質素"既地方..而我亦好鍾意呢一個概念..
可能..我係一個殖民主義好重既人..
可能..我係一個冇自信既人..
可能..我係一個所謂既港英餘孽..
童年的我,喜歡茶樓多於喜歡麥當勞, 我的思想很呀伯
中學的我,喜歡皇仁多於喜歡呂明才, 我的思想很落後
大學的我,依然不覺得"港大, 領袖群倫" 有多肉麻.也許, 我真的不屬於這年代
還好..我還發現自己有一點點世俗..因為..我還是認為恆商也不錯..
更好的是..我發覺自己有一點hea..因為..我也挺回味中學年代在呂中嘻嘻哈哈, 放學四處吃喝玩樂碌lane打牌,的日子.
最尾..想quote 一quote 星期一番呂中個陣, 莫sir同浮甘講既一句說話.
莫sir: 以前, 大學畢業係一個保障, 依家, 大學畢業唔代表d咩. 呢一代大學生要諗既係...點樣令人(老闆) 覺得你叻過坐你隔離果個.
浮甘: 驕傲其實唔係一個負面既字, 驕- 高大既馬既意思..係好野黎..
| | |
| | Date | Time |
| Course Code | Description | Venue | | Dec 8 MON | 2:30 pm - 3:30 pm |
| ECEN1801 | Academic English for science students | Flora Ho Sports Ctr. | | Dec 9 TUE | 2:30 pm - 4:30 pm |
| STAT1301 | Probability and statistics I | Flora Ho Sports Ctr. | | Dec 10 WED | 2:30 pm - 4:30 pm (For sub-classes A to J) |
| BUSI1002 | Introduction to accounting | Flora Ho Sports Ctr. | | Dec 12 FRI | 9:30 am - 11:30 am |
| CSCI0001 | Practical Chinese language course for science students | Flora Ho Sports Ctr. | | Dec 13 SAT | 2:30 pm - 4:30 pm (For sub-classes E, F, G, H & I) |
| ECON1001 | Introduction to Economics I | Flora Ho Sports Ctr. | | Dec 16 TUE | 9:30 am - 10:30 am |
| BIOL0602 | Origins of life and astrobiology | Flora Ho Sports Ctr. | | Dec 19 FRI | 2:30 pm - 3:30 pm
!!考完FINAL就放SEM BREAK!!!
|
| PHYS0001 | Nature of the universe I: introduction to observational astronomy and the solar system | Flora Ho Sports Ctr.
|
| | |
| 係死亡十月尾同死亡十一月中間, 有一夜星期五, 可以番到自己屋企,
享受著難得的悠閒,實在係太幸福la
呢幾個月一直俾大學既事煩住, 生活圈子一下子縮到好細,
世界彷彿就只有campus與舍堂...同以前多采多姿既生活比較...係另一種經歷吧..
沒有時間在香港四處走走, 沒有時間去四處搵野食..
人一有空閒既時間, 就鍾意諗番以前, 回憶, 就係呢d時候特別珍貴..
人總愛係失去左某樣野之後先學懂珍惜, 入左hku之後感受就更加深..今次既感受, 唔係咩野大學生活既大道理, 唔係討論舍堂文化既得與失....想記低既, 只係大學同中學時期飲食習慣既差異..
坦白講, 對於係呂中讀左7年既我黎講, 已經習慣左成個新城市, 好運中心, 沙田廣場係我地既canteen..
半夜訓唔著, 回想起好多以前係呂中食lunch既事..回想起一d已經消失左既食店...決定起身將佢地記得..
諗番起我中一到中七既日子, 幾乎每年都會有一班志同道合既朋友, 每日食飯都去唔同既地方搵好野食..以下列出黎既食店, 相信係唔少呂中人, 沙田友既共同回憶..
1. 小秘密: 港式小型茶餐廳, 類似澳洲牛奶公司, 餐牌上就只得一個常餐: 火腿庵列+ 沙dad牛肉/餐肉/叉燒 麵+ 奶油多/波羅油/餐包+ 餐飲( 多數飲玻璃樽朱古力奶).. 普通既食材, 不一般既味道, 火腿庵列既蛋八成熟, 有好多蛋汁, 奶油多,波羅油等等既包十分足料同埋夠熱, 同一般茶餐廳常餐offer既牛油多士完全係2個level..
2. 汕頭魚蛋粉: 以一碗 足料牛腩河聞名沙田既潮式粉麵鋪..店內老闆自制既辣椒油 十分野味, 當年令到唔少本身唔食辣既同學忍唔到手 一滴一滴加落碗麵度, 七年滿師畢業時, 已經係食辣能手.
3. 德興粥店: 為潮式打冷食店, 午市主要係賣粥, 腸粉, 糭, 等等既野食, 另外仲有中式既蒸飯..特別值得一提既係店中既 woo蛋牛肉飯, 中式既蒸牛肉餅, 上面加上一隻生蛋, 食既時候 將生蛋同熱辣辣既飯攪暈..以飯既熱力去整熟隻蛋..味道一流..
tbc....
ps: 其實因為聽日係呂中既校友日..先令我諗起咁多呂中附近既食店....可惜..聽晚始終係出席唔到..
| | |
| 學業, 家人, 女朋友, 舍堂, 中同, 老朋友,新同學, hall team, helper....
到底呢咁多樣野...應該點分配時間..分配精力..先可以樣樣都做得好..樣樣都balance到..?
我堅持每星期都要番屋企見下屋企人....但係實情係 我多野做到就算番到去..都係自己收埋溫書..趕essay...只有食飯時間先可以浦下頭..
我曾經話過 每個星期要將 學過既野 溫一次...但係依家連明晒一個星期學過既野都做唔到..
我下定決心入左hku之後 一星期都要見janice幾次..但係忙起上黎個排 連一次都見唔到.....
中同飯局 , 本身打算一個月攪一次...但係攪左一次之後就暫停左...
認識左好多新同學, 新朋友, 但係成日走堂唔出現既我..都冇咩時間好好咁同你地坐低食下飯傾下計...
曾經想努力係hall team 度出力...但係有時趕功課趕project..練波時間由3小時變做1小時都試過..
open day oc做得唔好...樓func攪得唔好..ca sub com 既表現亦強差人意...影左interhall既相遲遲都未有時間upload...
到底問題出左係邊度..?..
當初al 咁辛苦...就係憧憬 大學 可以俾我讀一d自己想讀, 自己鍾意讀既野..奈何港大既讀書氣氛 同我想像中既差太遠....打算碌degree 既人亦太多.. 本身諗住入到大學可以隨心所欲咁take自己鍾意既course, 最尾 亦都要受gpa控制...邊科好grade..邊科係killer...已經成為左我地take course 既指標..
當初揀呢間hall...係因為我相信強逼之後 做出黎既事..hallmate唔會開心...但係入到黎..考慮舍堂文化多左..諗多左...先發覺 理想同現實 其實相差好遠...lsk hall 既理想..同依家lsk hall 出黎既result..真係2回事....強逼係咪一定唔開心...自由而有承諾既理念係咪只係空談....冇辛苦花過血汗去付出 會唔會有收獲..係我呢排成日諗既問題...
當初move in..我貼左好多你, 你, 你, 你同你既相...有以上所有我提及過既組織...仲有06,07,08 3屆YA既組mate 同埋組仔女...同埋coor group.....目的係要提醒自己好好咁balance所有野..
但係到頭來..到依家....我連出席一次coor group reu 既時間都冇..我連攪多次中同飯局既力都拎唔到出黎...就連去醫院探下janice既時間...都唔係多...
問題到底係邊度...?..
You and I shall never fall for we belong to Hong Kong U...係一個理想, 定只係一個要黎吹水既口號..?
ps: 睇番...原來已經唔係第一次因為呢個問題 寫blog....睇黎都係接受現實潛一排做下野先la....
| | |
|
